Njoftim:Në datat 20 – 21 Qershor 2019 në Tirana International Hotel, duke filluar nga ora 09. 00 do të zhvillohet takimi i parë i projektit “DUE MARI”

Në datat 20 – 21 Qershor 2019 në Tirana International Hotel, duke filluar nga ora 09. 00 do të zhvillohet takimi i parë i projektit “DUE MARI”, zhvillimi i turizmit pёr gjeneratën e re.

Ky projekt është në kuadër të thirrjes “IPA Interreg CBC ITALI – SHQIPËRI – MALI I ZI 2014-2020 PROGRAM – PROJEKTE TEMATIKE NË TURIZËM”.

Projekti “DUE MARI” është një projekt trilateral i bazuar në teknologjinë virtuale inovative midis 3 shteteve partnere Shqipëri, Itali dhe Mali i zi.

Ky projekt synon të ndikojë ndjeshëm në rritjen e interesit dhe promovimit të këtyre vendeve nëpërmjet impaktit që krijon realiteti virtual interaktiv. Turistë nga e gjithë bota do të mund të shikojnë gjithçka nëpërmjet realitetit virtual, të njihen me bukuritë natyrore, vendet e mbrojtura, historinë, paketat turistike që lidhin këto 3 shtete, turizmin e aventurës, turizmin kulturor dhe atë fetar dhe itineraret që promovojnë aspektet historike dhe kulturore dhe identitetin tonë përmes rritjes së trashëgimisë kulturore, zonave të mbrojtura dhe zonave ujore në një dimension teknologjik të gjeneratës së fundit.

I konceptuar si një  aplikacion dhe një Website virtual, ky projekt do të jetë mjaft i lehtë për t’u shkarkuar dhe përdorur nga të gjithë. Syzet virtuale interaktive janë dhe një risi tjetër teknologjike që i bashkohen këtij projekti. Harta virtuale dhe video 360 interaktive do të shoqërojnë udhëtimet virtuale duke u bazuar edhe në realitetin e shtuar virtual.